هذا الفصل سيكون بمثابة الاساس المتين لكل مهندس مختص في مجال الأساسات في الهندسة المدنية وتحديداً في مناطق الفرات الأوسط والجنوب،
زين هنا سؤال ليش حددنه مناطق الفرات الأوسط والجنوب؟
لانها تمتلك ظروفاً جيوتقنية (Geotechnical) قاسية ومعقدة جداً، وهذا يخلينه نختار هذا الفصل كمرجعاً ذهبياً لأي مهندس يعمل في الميدان.
زين الان راح نتكلم عن معلومات دقيقة ومهمة عن تحديات التربة والاساسات؟
معركة تحت الأرض – تحديات التربة والأساسات في البيئة العراقية
احنه كلنه متفقين كمختصين انو الاساس هو الاساس يعني شلون؟ بدون اساس راح يكون التصميم الإنشائي العلوي (Superstructure) ليس له قيمة حتلو كان عبقرياً ومقاوماً للزلازل والرياح، فإنه سيقف عاجزاً إذا كانت الأساسات تستند إلى تربة ضعيفة أو بيئة كيميائية معادية.
زين احنه بالعراق يعني هل من المعقول نواجه فقط احمال ميتة وحية؟ لا بل مستحيل احنه نواجه تحديات صعبة من ناحية كيميائية وفيزيائية تحت الأرض يعني نكدر نسميه (معركة تحت الارض).
احنه عدنه اهم فقرة في الفصل الاول هو العدو الصامت
زين سؤال ليش سموه الباحثين بالعدو الصامت وشلون وماهو العدو الصامت؟
احنه كلنه نعرف او اغلبنه كمختصين ان هنالك مناطق واسعة من العراق تعاني من تحديات بارتفاع منسوب المياه الجوفية وتشبع التربة بالأملاح، خصوصاً الكبريتات (Sulfates) والكلوريدات (Chlorides).
يعني هذا بأختصار كتسمية احنه نسميه المياه الجوفية والأملاح الكبريتية (Sulfate Attack)
زين حلو احنه هنا مشكلتنه شنو؟؟ مشكلتنه هندسية كلام جميل زين شنو هي المشكلة الهندسية؟؟ خلي نتعرف عليه حسب المصادر وحسب الباحثين يكولون الباحثين في كلامهم الهندسي عندما تتسرب المياه الجوفية المحملة بالكبريتات إلى مسامات الأساسات الخرسانية، تتفاعل كيميائياً مع مركب (ألومينات ثلاثي الكالسيوم) الموجود في الإسمنت يعني شنو وشلون؟؟
هذا التفاعل راح ينتج عنه مركبات وهاي المركبات شرط ان تكون جديدة وشرط ان يكون حجمها أكبر من المركبات الأصلية بنسبة تصل إلى 227%، زين هذا شراح يسبب عدنه هندسيا؟ إجهادات شد داخلية هائلة تؤدي إلى تشقق الخرسانة وتفتتها بالكامل، زين وبعد شراح يسبب؟؟ وصول الكلوريدات لحديد التسليح وبدء دورة الصدأ القاتلة هنا لازم يصير عدنه التفاتة هندسية عن الحلول التقنية المتبعة.
زين ماهي الحلول التقنية الهندسية المتبعة حديثا؟؟؟
اولا :استخدام الإسمنت المقاوم للأملاح (SRPC – النوع الخامس).
ثانيا :تقليل نسبة (الماء/الإسمنت – W/C Ratio) لزيادة كثافة الخرسانة وتقليل نفاذيتها.
ثالثا :الاعتماد على أنظمة العزل الحديثة (Waterproofing Membranes) والطلاءات الإيبوكسية بدلاً من الاكتفاء بالطلاء الزفتي (البتومين) التقليدي
زين واحد من المختصين يسأل سؤال؟ احنه سامعين عن الفخ الجيولوجي شنو هذا وليش سموه الباحثين بهذا الاسم؟
هنا راح نجاوب على سؤال مهم الفخ الجيولوجي: التربة الجبسية (Gypseous Soils).
هواي من اصحاب الشهادات والعلم في مختلف المجالات عدهم معلومات عن موضوع التربة الجبسية زين ليش معقولة هيج الموضوع مهم؟؟؟
لان التربة الجبسية في بلدنا العراق تغطي مساحات شاسعة (تصل إلى حوالي 30% من مساحة البلاد).
زين هنا راح نتكلم عن المشكلة الهندسية وشلون راح نحل هذه المشكلة هندسيا؟
احنه مشكلتنه بالجبس هو المياه لان حته جزيئاته تغسل
زين شلون يعني؟
الباحثين يكولون الجبس (كبريتات الكالسيوم المائية) يكون صلباً جداً وقادراً على تحمل أحمال عالية عندما يكون جافاً. ولكن، بمجرد تعرض هذه التربة للمياه (بسبب تسرب من شبكات المياه أو الأمطار)، يذوب الجبس وتُغسل جزيئاته.
زين شنو الي راح يصير عدنه بهاي الحالة وشلون نحل هاي المشكلة؟
راح يصير عدنه فجوات وكهوفاً داخل التربة. هذا يؤدي إلى انهيار مفاجئ للتربة (Collapsible Soil) وهبوط تفاوتي (Differential Settlement) يدمر المنشأ بالكامل.
زين ماهي الحلول في هذه الحالة؟
اولا : الاستبدال والإحلال: حفر التربة الجبسية بعمق مدروس واستبدالها بتربة حصوية نظيفة ومحدولة (Subbase).
ثانيا : الأساسات العميقة: تجاوز الطبقات الجبسية واستخدام الخوازيق (Piles) لنقل الأحمال إلى طبقات صخرية أو قوية تحتها.
ثالثا : تغليف الأساسات: منع وصول أي قطرة ماء إلى محيط الأساس عبر أنظمة تصريف محكمة
احنه لحد الان تكلمنه في الفصل الاول عن معلومات هندسية تتكون من جزئين ك بارت اول
اما البارت الثاني راح يكون عن التمدد والانكماش والحلول الذكية.
بأذن الله في نهاية الدليل راح ينزل الكم ملف pdf بأسم الدليل التقني الشامل لتحديث وإعادة تأهيل البنية التحتية في العراق للمهندس محمد القريشي
